Хүннү хотыг байгуулах гол зорилго:

Монгол Улсын нийслэл Улаанбаатар хотын төвлөрлийг сааруулж, бүс нутгийн тэнцвэртэй хөгжлийг хангахад оршино. Шинэ суурьшлын бүс, дагуул хот, эдийн засгийн чөлөөт бүсийг хөгжүүлэх замаар Улаанбаатараас орон нутагт шилжин суурьшсан иргэд, аж ахуйн нэгжүүдийг цогц бодлогоор дэмжихээр төлөвлөсөн. Ингэснээр нийгэм, эдийн засгийн хэт төвлөрөлтэй холбоотой асуудлуудыг шийдвэрлэж, орон зайн оновчтой төлөвлөлт бүхий ухаалаг хотыг бий болгоно.